1ܐܝܼܢܵܐ ܐܵܗܵܐ ܕܸܢܝܼ ܒܓܵܢܝܼ ܕܡܸܢَܕܪܸܫَ ܠܵܐ ܐܵܬܸܢ ܠܟܸܣܠܵܘܟܼܘܿܢ ܒܦܵܫܲܡܬܵܐ. 2ܣܵܒܵܒ ܐܸܢ ܐܵܢܵܐ ܡܲܦܫܸܡܸܢܵܘܟܼܘܿܢ؛ ܡܵܢܝܼ ܒܸܬ ܡܲܚܕܹܐ ܠܝܼ؛ ܐܸܠܵܐ ܗ̇ܘ ܕܐܵܢܵܐ ܡܘܼܦܫܸܡܠܝܼ ܐܸܠܹܗ؛ 3ܘܟܬܸܒܼܠܝܼ ܐܸܠܵܘܟܼܘܿܢ ܗܲܪ ܐܵܗܵܐ؛ ܕܠܵܐ ܟܲܕ ܐܵܬܸܢ ܡܲܦܫܸܡܝܼ ܠܝܼ ܐܵܢܝܼ ܕܘܵܓ̰ܸܒ ܝܼܗَܘܵܐ ܕܡܲܚܕܝܼ ܗَܘܵܘ ܠܝܼ؛ ܟܲܕ ܡܵܪܹܐ ܗܹܒܼܝܼ ܝܘܸܢ ܥܲܠ ܟܠܵܘܟܼܘܿܢ؛ ܕܚܲܕܘܼܬܵܐ ܕܝܼܝܼ ܕܟܠܵܘܟܼܘܿܢ ܝܼܠܵܗ̇. 4ܣܵܒܵܒ ܡ̣ܢ ܐܘܼܠܨܵܢܵܐ ܓܘܼܪܵܐ؛ ܘܡ̣ܢ ܗܲܣܪܲܬ ܕܠܸܒܵܐ؛ ܟܬܸܒܼܠܝܼ ܐܸܠܵܘܟܼܘܿܢ؛ ܒܪܵܒܵܐ ܕܸܡܥܹ̈ܐ؛ ܠܵܐ ܕܦܵܫܡܝܼܬܘܿܢ؛ ܐܸܠܵܐ ܕܝܲܕܥܝܼܬܘܿܢ ܚܘܼܒܵܐ ܕܐܝܼܬ ܠܝܼ ܒܒܘܼܫܵܝܝܼ ܠܟܸܣܠܵܘܟܼܘܿܢ. 5ܐܝܼܢܵܐ ܐܸܢ ܐَܢܵܫܵܐ ܡܘܼܦܫܸܡܠܹܗ؛ ܠܹܐ ܝَܠܵܗ̇ ܐܸܠܝܼ ܡܘܼܦܫܸܡܠܹܗ؛ ܐܸܠܵܐ ܒܚܲܕَ ܩܵܕܸܪ ܕܠܵܐ ܐܵܬܸܢ ܝܵܩܘܿܪܵܐ ܠܟܠܵܘܟܼܘܿܢ. 6ܐܝܼܢܵܐ ܒܲܣܵܐ ܝَܠܵܗ̇ ܠܚܲܕَ ܕܗܲܕܟܼܵܐ ܐܵܗܵܐ ܢܓ̰ܵܘܬܵܐ ܕܡ̣ܢ ܪܵܒܵܐ؛ 7ܗܲܕܟܼܵܐ ܕܘܵܓ̰ܸܒ ܝܼܠܵܗ̇ ܕܡܒܵܕܵܠ ܕܗܵܕܵܐ؛ ܫܵܒܼܩܝܼܬܘܿܢ ܠܹܗ ܘܝܵܗَܒܼܝܼܬܘܿܢ ܠܹܗ ܠܸܒܵܐ؛ ܠܵܐ ܗَܘܹܐ ܕܒܦܵܫܲܡܬܵܐ ܙܵܘܕܵܐ ܦܵܝܸܫ ܒܸܠܥܝܵܐ ܗ̇ܘ ܕܝܼܠܹܗ ܗܲܕܟܼܵܐ. 8ܣܵܒܵܒ ܕܐܵܗܵܐ ܦܲܪܦܘܼܠܹܐ ܝܘܸܢ ܒܝܼܵܘܟܼܘܿܢ؛ ܕܡܲܩܘܝܼܬܘܿܢ ܒܝܹܗ ܚܘܼܒܵܘܟܼܘܿܢ. 9ܣܵܒܵܒ ܠܕܵܐܗܵܐ (ܢܝܼܲܬ) ܟܬܸܒܼܠܝܼ؛ ܐܘܼܦ ܕܝܲܕܥܸܢ ܓ̰ܵܪܲܒܬܵܘܟܼܘܿܢ؛ ܐܸܢ ܒܟܠ ܡܸܢܕܝܼ ܡܲܨܝܸܬܵܢܹ̈ܐ ܝܬܘܿܢ. 10ܐܝܼܢܵܐ ܠܡ̇ܢ ܕܐܲܚܬܘܿܢ ܫܵܒܼܩܝܼܬܘܿܢ؛ ܐܘܼܦ ܐܵܢܵܐ. ܣܵܒܵܒ ܐܘܼܦ ܐܵܢܵܐ ܐܸܢ ܡܸܢܕܝܼ ܫܒܼܝܼܩܵܐ ܝܘܸܢ؛ ܐܸܠܹܗ ܫܒܼܝܼܩܵܐ ܝܘܸܢ ܒܚܵܬܸܪ ܕܝܼܵܘܟܼܘܿܢ؛ ܩܵܕَܡ ܦܵܬܹܗ ܕܡܫܝܼܚܵܐ؛ 11ܕܠܵܐ ܙܵܠܸܡ ܠܲܢ ܣܵܛܵܢܵܐ؛ ܣܵܒܵܒ ܟܹܐ ܝܲܕܥܵܚ ܦܲܢܕܘܼ̈ܗܝ. 12ܐܝܼܢܵܐ ܟܲܕ ܐَܬܹܐܠܝܼ ܠܛܪܘܿܐܘܿܣ ܒܡܲܫܚܲܕܬܹܗ ܕܡܫܝܼܚܵܐ؛ ܘܟܲܕ ܦܸܫܠܹܗ ܦܬܝܼܚܵܐ ܐܸܠܝܼ ܬܲܪܥܵܐ ܒܡܵܪܝܵܐ؛ 13ܠܵܐ ܗَܘܹܐܠܵܗ̇ ܠܝܼ ܢܝܵܚܵܐ ܒܪܘܼܚܝܼ؛ ܣܵܒܵܒ ܠܵܐ ܡܘܼܫَܟ̰ܚܠܝܼ ܠܛܸܛܘܿܣ ܐܵܚܘܿܢܝܼ؛ ܐܸܠܵܐ ܫܒܼܝܼܩܵܝܠܝܼ ܘܦܠܸܛܠܝܼ ܠܡܵܩܹܕܘܿܢܝܼܵܐ. 14ܐܝܼܢܵܐ ܡܸܢܬܵܐ ܡ̣ܢ ܐܲܠܵܗܵܐ؛ ܕܒܟܠ ܙܲܒܼܢܵܐ ܟܹܐ ܥܵܒܸܕ ܠܲܢ ܓܼܵܠܒܵܢܹ̈ܐ ܒܡܫܝܼܚܵܐ؛ ܘܟܹܐ ܓܵܠܹܐ ܒܝܼܲܢ ܪܹܝܚܵܐ ܕܝܕܹܥܬܸܗ ܒܟܠ ܕܘܼܟܵܐ. 15ܣܵܒܵܒ ܪܸܝܚܵܐ ܒܵܣܝܼܡܵܐ ܝܘܵܚ ܒܡܫܝܼܚܵܐ ܠܐܲܠܵܗܵܐ؛ ܒܐܵܢܝܼ ܕܒܸܚܵܝܵܐ ܘܒܐܵܢܝܼ ܕܒܸܬܠܵܩܵܐ. 16ܠܐܲܢܹܐ؛ ܪܹܝܚܵܐ ܕܡܵܘܬܵܐ ܠܡܵܘܬܵܐ؛ ܘܠܐܵܢܝܼ؛ ܪܹܝܚܵܐ ܕܚܲܝܹ̈ܐ ܠܚܲܝܹ̈ܐ. ܘܠܐܲܢܹܐ ܡܵܢܝܼ ܟܹܐ ܚܵܫܸܚ؛ 17ܣܵܒܵܒ ܠܹܐ ܝܘܵܚ ܐܲܝܟܼ ܪܵܒܵܐ؛ ܟܹܐ ܡܲܚܪܸܒܼܝܼ ܗܹܡܸܙܡܵܢ ܕܐܲܠܵܗܵܐ؛ ܐܸܠܵܐ ܐܲܝܟܼ ܕܒܬܪܘܼܨܘܼܬܵܐ؛ ܘܐܲܝܟܼ ܕܡ̣ܢ ܐܲܠܵܗܵܐ؛ ܩܵܕَܡ ܐܲܠܵܗܵܐ؛ ܒܡܫܝܼܚܵܐ ܗܲܡܙܘܼܡܹܐ ܝܘܵܚ.